Sa mga oras ng pagsubok ay napapatunayan ang lubos at wagas nag pagmamahalan

Syaka lang nalalaman at natututunan kung ano nga talaga ang ibig sabihin ng magmahal

Dyan nararanasan at nabibigyan ng kulay o ng pangalan ang pakiramdam nang may minamahal

Nasusuri, nahahawakan ang kahulugan at layunin ng totoong pagmamahal

Lalo pang magsumikap at magpunyagi, tayo man ay minamahal o kaya nagmamahal

Ito’y hindi parang “mahal-mahalan”  lamang, sapagkat ang pag-ibig ay mamahalin…ng buong pusong binibigay at binabahagi…isang tanging yaman  na kailangan din nating mahalin…

Pag-ibig…

Kahit ako’y nasaktan

Ako man ay nabigo, hindi ako nag-sisisi

Sa pagkat bawat isa sa atin ay nag-mamahal tama man o mali

Wala akong galit at sama ng loob na pang habang buhay kikimkimin

Hindi kita minumuhi, sa pagkat minahal kita aking sinta

Tao lamang ang bumibitaw at nawawalan ng pag-asa

Ngunit…kahit ano pa man ang ating kahinaan

Pag-ibig lang at pag-ibig parin ang hihilom ng ating mga pagkakamali

Mga sulat, mga bigkas at salita ng isang pusong nagmahal at magmamahal muli

Masakit man at mahapdi ang pakiramdam ng pusong nasawi

Pag-ibig na wagas at totoo ay hindi kailan man maglalaho

Dahil kahit ano pa man ang mangyari…sa kabila ng lahat,

Pag-ibig parin ang magwawagi.

Pag-ibig…